I ka latigɛli ka baara kɛ Ala ye

1. Walasa ka kɛ Ala teri ye fɔ i ka dɔnniya ɲuman sɔrɔ Bibulu ka tiɲɛ ko la (1 Timote 2:3, 4), ka da i ka fɛn degelenw na (Heburuw 11:6), ka nimisa i ka jurumuw na (Kɛwalew 17:30, 31), k’i ka ɲɛnamaya kɛcogoya yɛlɛma (Kɛwalew 3:19). O tuma na, Ala kanuya min b’i la, o bɛna i bila k’i yɛrɛbakun di a ma. O kɔrɔ ye ko i yɛrɛ ka delili la, i b’a fɔ a ye k’i b’i yɛrɛ di a ma walasa k’a sago kɛ.—Matiyu 16:24; 22:37.

2. N’i ye i yɛrɛbakun di Ala ma, a bɛnnen bɛ i ka batise. (Matiyu 28:19, 20) Batɛmu b’a to mɔgɔ bɛɛ k’a dɔn ko i y’i yɛrɛbakun di Jehowa ma. O la, batɛmu bɛnnen don dɔrɔn mɔgɔw ma minnu si sera k’a latigɛ ka baara kɛ Ala ye. Mɔgɔ batisetuma na, a fari kuuru bɛɛ ka kan ka tunun ji la waati kunkurunnin kɔnɔ.* —Marka 1:9, 10; Kɛwalew 8:36.

3. N’i y’i yɛrɛbakun di Jehowa ma, a sigilen bɛ n’a ye i k’i ka ɲɛnamaya kɛ ka bɛn i ka layidu ma. (Zaburu 50:14; Eklesiaste (Waajulikɛla) 5:3, 4) Sendonbaga bɛn’a ɲini k’i lajɔ Jehowa ka baara la. (1 Piɛre 5:8) Nka, i gɛrɛ Ala la delili sababu fɛ. (Filipekaw 4:6, 7) A ka Kuma kalan don o don. (Zaburu 1:1-3) I nɔrɔlen ka to jɛkulu la. (Heburuw 13:17) N’i ye nin fɛnw bɛɛ kɛ, i bɛna fanga sɔrɔ ka to kantigiya la Ala fan fɛ. O cogo la, Ala bɛ fɛn minnu wajibiya i ma, i bɛna se k’o fɛnw kɛ fɔ abada!

Yali i mago bɛ kunnafonni wɛrɛw la wa? I b’a fɛ Bibulu kalan ka kɛ n’i ye i bara fu la wa? Sɛbɛn ci Jehowa Seerew ma nin ladɛrɛsi dɔ la kelen na. Ladɛrɛsiw

* Gafe min ye Dɔnniya min bɛ na ni ɲɛnamaya banbali ye, walima a ɲɔgɔn gafe wɛrɛ min bɔra Watch Tower Bible and Tract Society fɛ, o kalanni ɲininen bɛ batɛmu labɛnni kama.

Copyright © 2011 Watch Tower Bible and Tract Society of Pennsylvania. All rights reserved.