Fanapahan-kevitranô Hanompo An-Jagnahary

1. Mbôra koà anô ho lasagna naman-Jagnahary de tsy mentsy fantatranô tsara ny fahamarinagna agnaty Beboly akô. (1 Timoty 2:3, 4) Tsy mentsy mino raha nianaranô koà anô (Hebreo 11:6), mifôgna amy reo fahotagnanô (Asan’ny Apostoly 17:30, 31), avakeo miherin-dalagna mbôra hagnôva ny fômba fiegnanô. (Asan’ny Apostoly 3:19) Ny fitiavanô an-Jagnahary avakeo, de tôkony hanosika anô hanolo-tegna ho ananjy. Dikany zegny hagnano vavaka manôkagna anô reka, ka hizakenô amin-Jagnahary fô vôgnona hagnomià ny tegnanô ho ananjy anô mbôra hagnano sitrapôny.—Matio 16:24; 22:37.

2. Izikoà efa avy nanolo-tegna tamin-Jagnahary anô de tôkony hanoigna batisa. (Matio 28:19, 20) Izikoà fa anoigna batisa anô de fantatr’ôlo-jiaby fô efa nanolo-tegna ho an’i Jehovah. Ôlogna efa ampy tôgna hanapa-kevitra ny hanompo an-Jagnahary foagna vô manjary anoigna batisa. Tôkony hajibika tsielatsiela agnaty rano ny vatategnananjy jiaby, izikoà fa anoigna batisa ny ôlogna reka.*—Marka 1:9, 10; Asan’ny Apostoly 8:36.

3. Magnantegna i Jehovah fô hitagna fagnikiagna nanoinô anô, izikoà fa nanolo-tegna taminanjy. (Salamo 50:14; Mpitoriteny 5:4, 5) Hifegna hampiahagna anô koà ny Devoly mbôra tsy hanompoanô an’i Jehovah. (1 Petera 5:8) Magnantôgna an-Jagnahary amy vavaka. (Filipianina 4:6, 7) Ianaro isan’andro ny Teniny. (Salamo 1:1-3) Aza misaraka amy fiangonagna. (Hebreo 13:17) Hahazo hery tsy hivadihagna foagna amin-Jagnahary anô izikoà magnano raha jiaby zegny. Aminjey anô ahefa hagnano mandrakizay raha angahoin-Jagnahary aminô!

Izikoà mbôla misy raha tianô agnontsafagna, na tianô hianatra Beboly an-dragnonô, de manorata amin’adiresin’ny Vavolombelon’i Jehovah. Adiresy