 |
Beliefs | Future | Medical | Topics | Contact Us | Publications | Languages |
Laamit kum? Laamit keeke:
Laamit keeke a njega o njiriiñ lool. O moƴo jaak ole no wiin we a mosa laamtoox a den. Wo koy?
Mam waago doontel no laamit keene? Nu ndetangaa me a safe ke a ƥandtiteel mbaat me da njiikooreel nu mbaaga nga a safe cuni-cuni a kaa na mboogaa ee a anda a tontax ake no laamit keene. Ndaa ke mayna teen, safe leng a naanga kontaraa a lakas. A jega itam a safe kaa andoona ee boo jangoona den xan o foog ee a layayo ndigil. Ndaa miñkee da nqewi, soo koy da mbindatinel mbaat da suptel fop.
Ndaa koy a jega safe leng laa saqna a tontax a qoolu qac akaa mbaageena nqooloox. Ke layeena kam safe leene ndigil oo. No bes faa Yeesu Kiristaa a xeɗoogna a Roog a laya ee: “Fa lay of refu ndigil ne.” (Saŋ 17:17) Xane i anda ee fa lay feene refu Biibal fa tedu fee. No paas ke na ngaraa xan nu njeg na fa lay fa ndaƥu a tontax a qoolu kaa ndefna ndigil a nqat ’ no Biibal fee no ke jofna no laamit eetan ke.
KEEKE WARALU LAAMIT NE: Adna fee i ñoowaa kaa may coxod fo njofaƭar. Diine mayu kaa njangnaa ee coono ke na ndalaa in Roog fi’un.
KEEKE BIIBAL FEE A LAYU TEEN: Roog fi’kee muk ponu. “Saɗaand o lay muk ee Roog kaa fi’aa paaxeer, njofaƭar leng refee no Cegu katil oxe!” ne Yob 34:10 a laytuuna. Roog a buga wiin we too ke ta buganna den a refa kaa faaxna lool. Keene taxu boo Yeesu a jangin u in ee neeke i mbaru nqeɗtaa: “Faap in fee na asamaan, . . . yaasam maat of a fadiid! Yaasam ke bugoona a jeg na adna nen na asamaan!” (Mace 6:9, 10) Roog a fexa in lool boo a fi’a fop ndax bugbug um a waag o fadnoox no ke woorna.—Saŋ 3:16.
Jangi itam Mberaand naa 1:26-28; Saak 1:13; fa 1 Piyeer 5:6, 7.
KEEKE WARALU LAAMIT NE: Ke geer fee a genna no waraa no wiin, o leng waagiran o lim. In fop o ƭomel a mosa dal a in.
KEEKE BIIBAL FEE A LAYU TEEN: Roog a regta jamano faa ta ɓiisid kaa jam took lanq ke fop. No maat naa ten geenneena took asamaan “xire aqatooxkataand”, keene tektu ee wiin we njangkate geer boo muk. Ndaa “xan a nqawin . . . laƥke den xa koŋko [o koŋko refu qooxiir].” (Esayi 2:4) Roog xan a watin meen njofaƭar nuu refna fo o ƭomel. Biibal fee regta ee: “[Roog] xan a forit xa kooniit a kid den, too fa nqon refkatee meen. Ñaawax mbaat ƭomatax mbaat o ƭomel refkatee meen, yaam tig eetaand ke [cofaƭar ke fo xa ƭomel axe xaye fop teen a mbogu] xan a mbaaf.”—Mbeeñil ne 21:3, 4.
Jangi itam A Kim a tedu ke 37:10, 11; 46:9; fa Mise 4:1-4.
KEEKE WARALU LAAMIT NE: Ke moƴna may no diina ke na adna fee kaa njangnaa ee boo o kiin a xonna a jega no ten kaa na kontine’aa a ñoowaa. A jega waa mboogna ee xon we a mbaaga toroxat we na ñoowaa, mbaat da ngim ee ne Roog a xate’it kaa wiin bonu we ten refu ta saŋik a den kam fiɗel laa ñufkeerna boo kili.
KEEKE BIIBAL FEE A LAYU TEEN: O kiin a xonangaa refatee. “Xon we . . . andee dara,” ne O Baawaare xe 9:5 a laytuuna. A soƥanga’ee xon we mbaagatee and dara mbaat da yeg dara, kon mbaagatee toroxat mbaat da ndimle’aa we na ñoowa.—A Kim a tedu ke 146:3, 4
Jangi itam Mberaand naa 3:19 fa O Baawaare xe 9:6, 10.
KEEKE WARALU LAAMIT NE: O kiin oxuu refna a buga ñoow too a buga jeg o ɗaay fo we ta fexna. A jaadoxa tigi i yakamte nga’at fog in we nqonna.
KEEKE BIIBAL FEE A LAYU TEEN: Moƴ-o-jaak ole no we nqonna xan a nqontoox. Yeesu regta ee “we ndefna kam poy ke . . . [xan] a sutoox.” (Saŋ 5:28,29) Wiin weene na nqontooxkaa xan a mbaag o ñoow no lanq ke na ndefkaa arjana, kom ne Roog a bugit’uuna no mberaand naa. (Lik 23:43) Ndegit neene kaa tekit ee o wod fo ɓaal fo o ñoow o fagkeer xan a jeg pur we na nanankaa a Roog. Biibal fee a laya keeke: “Jofu we o mat xan a njeg lanq ke, too xan a ngen teen boo faw.”—A Kim a tedu ke 37:29.
Jangi itam Yob 14:14, 15; Lik 7:11-17; fa A pi ake 24:15.
KEEKE WARALU LAAMIT NE: No ke moƴna may no diina ke wiin we kaa nqeɗaa. Ndaa jaaku a yegayo ee a qeƭ den njaɓaan.
KEEKE BIIBAL FEE A LAYU TEEN: Yeesu a jangin’a in keeke: “Boo nu nqeɗaa, ba nu laya layatinaa leng ke.” (Mace 6:7, NW) I mbugangaa Roog a nan-giloox a qeƭ in, i mbaraan o nqeɗit ne ta bugtuuna. Boo i mbaagaa mbi’ keene, faw i njang o and ke Roog a bugna. I andangaan boo pare, fat i nqeɗ ke andoona ee kaa yoon fo ke ta bugna. 1 Saŋ 5:14 kaa lay ee: “Boo i nqeɗna tig, ta yoon fo o bug ole Roog, xan a jaɓ a qeƭ in.”
Jangi itam A Kim a tedu ke 65:2; Saŋ 14:6, 14; fa 1 Saŋ 3:22.
KEEKE WARALU LAAMIT NE: Wiin mayu a ngima ee xaalis, jeg gon maak mbaat o mosel a waaga tax da njeg o ɗaay. Keene taxu da ƈufanaa tigeene. Too a soƥayoo o ɗaay ole da yaakaar’ina no keene, xan a nga’ood ee, a daɗa den.
KEEKE BIIBAL FEE A LAYU TEEN: Yeesu a tekta a paax ke na taxaa boo o kiin a waag o jeg o ɗaay. A laya ee: “We ñakna halal yiif a ƭaaya”. (Mace 5:3) Yaaga koy pur o jeg o ɗaay tigi, faw o bug o jeg halal yiif leene. Keene refu ke o kiin a moƴna soxla. Kon, faw i mbug o and a Roog fo ke taxna ta sak a in. A tontax ndigil ake no laamit ke i mbaagna o laamit a qoox in no keene o wey kam Biibal fee. O and ole na tontax tigil keene, a waaga dimle a in i and ke jegna o njiriiñ tigi, fo itam ke jegeerna o njiriiñ. I mbaasangaa ndigil ne na Biibal fee ta lalganda in no ke i mbexeyaa fo ke i mbi’aa, xan i njeg o ñoow olaa moƴna jeg o njiriiñ.—Lik 11:28.
Jangi itam Xa Peƭit axe 3:5, 6, 13-18 fa 1 Timote 6:9, 10.
Keene reeƭu na fa lay fa ndaƥu ke Biibal fee a tontuna no laamit ɓeetafo leng. Ndax jega laamit lakas? Axakaay, o foganga no we njaɓ na ee a ‘ñaka halal yiif.’ Xeƈa woxe laamta xoxof laamit kom weene: A sooƥanga ee to Roog kaa buga in xa taxu ta waas meen cooxood mayu fo xa ƭomel xa mayu yaa adna refna? Naam waaguum o fi boo o ñoow ƥasil es a moƴ o fel ? Biibal fee a hoolanda bo ta mot sik laamit keene fo laamit maayu lakas.
Ndaa koy, mayu xane sawaare njang Biibal fee. Pur den, safe jaaku oo la ƭomena and leek leek. Ndax buga o dimle’ el pur and a tontax a ke na Biibal fee? Seede Jeova ke a njega peexey ɗik pur a ndimle oŋ teen.
Eetan ne refu a safe le ne’eena Ñow yó bo kili no daay no lang ke! Ka bindel pur a dimle we njegerna o daaw da mbaago jang no Biibal fee a tontax a xoolu no laamit ceegu ceegu njiriiñ. Peexey ɗikandeer ne refu porogaraam fee na cang na le no Biibal fee kam pind ke to rafid kiroo dara. O kentand of o xa refna Seede jeova to a waag oo jangin a paax Biibal fee a waa gaara no mbind of, mbaat ma feloonga; to semen nu refna xan a jaŋ fa wo o ndik to miñ ke. Milyoŋ maayu no wiin na adna fee a njiriiñoora porogaraam feene to a njega a tontax a ke no laamit ke den. Mayu na den a muja bo a layood ee: “Keeke refu ndigil ne!”
Jege halal fa xupna keene. Ndigil ne no Biibal fee ana wookta in no ngim onqe na diidlata, fo no mo’ole fo caaɗar ne. Ka cii’a in yaakaar, fo o ɗaay to ka lala in ke i mbarna o mbi no ñoow in. Yeesu laya ee: “Xan nu and ndigil ne, too xan ndigil neene a wat a nuun [ndigil ne xan a woktanun, NW].”—Saŋ 8:32.
Suteena no xiid 2008 |
 |