Aseunet Kon Aijaanakin Edeke

1. Kanuka araun opaperoke Edeke, ibusakinit ijo adumun aijen naejok nakabeit k’Obaibuli (1 Timoteo 2:3, 4), kipikak aiyuun toma anuisisia ijo (Iburanian 11:6), kitoronikin kotoma adiakanareta kon (Aswamisio 17:30, 31), kosodi ibelokin korotin lukaijar kon. (Aswamisio 3:19) Akonimina mama ejai Edeke ijaikini ijo aijaikin aijar kon nejai ngesi. Apolouke ebe ijo ilopet kotoma ailip nakaiyeyea, ilimokini Edeke ebe ijaik ijo akonijar nejai ngesi aswam nu ekoto ngesi.—Matayo 16:24; 22:37.

2. Akaulo ijo aijaikin akonijar nejai Edeke, ibusakinit ijo aibatisaun. (Matayo 28:19, 20) Aibatisao itejenikini itunga kere ebe ijaik ijo akonijar nejai Yawe. Aso aibatisao erai naka angun lu epolok bon luepedorete aseun aijanakin Edeke. Neibatisaere itunganan, ibusakinit akekuwan kere aitulumikin toma akipi apakadio.*—Marako 1:9, 10; Aswamisio 8:36.

3. Akaulo najo aijala akonijar, emunor Yawe ijo asalakin k’aisumunet kon. (Isabulin 50:14; Ekalimonokinan 5:4, 5) Etami Ekejodijodon aitikokin ijo kotoma aijanakin Yawe. (Petero 5:8) Konye koyapiik Edeke kotoma ailip. (Ipilipin 4:6, 7) Isisiaenenei akekirot kanginparan. (Isabulin 1:1-3) Kimakakin cut nejai atukot. (Iburanian 13:17) Kiswama ijo nu kere, idumuni do ijo agogong naipaikina ijo imunokina Edeke. Ikaru ka ikaru ipedori do ijo aswam iboro lu icorakinit Edeke ijo!

Ipuda ijo ajenun nuipu arai aisisianakinio Ebaibuli kore atitai? Iwadikaik ijenak ke ka Yawe kisomai inabai luka eposita luu. Address

* Aisisia naka eitabo, Knowedge That Leads to Everlasting Life, arai ece etabo lokinomunit Watch Tower Bible and Tract Society, nges ecamunitai kotoma aitemonokinor kanuka aibatisao.

Copyright © 2010 Watch Tower Bible and Tract Society of Pennsylvania. All rights reserved.