Алыхьым хуэлэжьэн мурад щІын

1. Алыхьым ныбжьэгъу ухуэхъун щхьэкІэ, уэ Библием ит пэжым куууэ щыгъуазэ зыхуэпщІын хуейщ (1 Тимофей 2:3, 4), къэпщІар уи фІэщ хъун хуейщ (Еврейхэм 11:6), гуэныхь пщІахэм ухущІегъуэжын хуейщ (Апостолхэм 17:30, 31), уи гъащІэ гъуэгур пхъуэжын хуейщ (Апостолхэм 3:19). ИтІанэ Алыхьым хуиІэ лъагъуныгъэм ухуигъэушын хуейщ уэ уи гъащІэр абы и ІэмыщІэм иплъхьэну. Абы къикІыращ, уи закъуэу, зыми зэхимыхыу, тхьэлъэІукІэ Алыхьым жепІэнырщ, уи гъащІэр абы и ІэмыщІэм зэриплъхьэр, зыхуейр бгъэзэщІэн щхьэкІэ (Матфей 16:24; 22:37).

2. Уи гъащІэр тхьэлъэІукІэ Алыхьым и ІэмыщІэ иплъхьа иужькІэ, псым зыщІэбгъауэ хъунущ (Матфей 28:19, 20). Псым зэрызыщІэбгъауэм адрей псоми къагурегъаІуэ уэ уи гъащІэр Иеговэ и ІэмыщІэм зэриплъхьар. Абы щхьэкІэ, Алыхьым и Іуэхур игъэзэщІэфыну унафэ къызыхуэщтэну цІыху балигъыращ псым зызыщІэзыгъэуэну хуитыр. ЦІыхур псым щыщІагъауэкІэ абы и Іэпкълъэпкъыр псори напІэзыпІэкІэ псым щІигъэнэн хуейщ *(Марк 1:9, 10; Апостолхэм 8:36).

3. Иеговэ уи гъащІэр и ІэмыщІэ иплъхьа иужькІэ, уэ ар къыпщыгугъынущ къызэрыбгъэгугъам утету упсэуну (Забур 49:14; Екклесиаст 5:3, 4). Иблис хэтынущ Иеговэ ухуимыгъэлэжьэну (1 Петр 5:8). Ауэ уи тхьэлъэІухэмкІэ Алыхьым нэхъ гъунэгъу зыхуэщІ (Филиппи 4:6, 7). Махуэ къэс абы и Псалъэм еджэ (Забур 1:1—3). ЗэІущІэм кІуэ (Еврейхэм 13:17). Ахэр псори пщІэмэ, уэ къэбгъуэтынущ Алыхьым хуэпэжу укъызэрынэфын къару. Апхуэдэ щІыкІэкІэ уэ игъащІэ псокІэ пхуэгъэзэщІэнущ Алыхьым къыпхуигъэувхэр!

Нэхъыбэ къэфщІэну е пщІэ щІэвмыту Библиер вджыну фыхуеймэ, хуэфтх Иеговэ и Щыхьэтэм мы адресхэм ящыщ зыр къэвгъэсэбэпи. Адресхэр

*  Псым зэрызыщІэбгъэуэным зыхуэбгъэхьэзырын щхьэкІэ, бджын хуейщ тхылъ Мыухыж гъащІэм ухуэзышэ щІэныгъэр е абы хуэдэ публикацэ ХъумакІуэ Чэщанэм и Обществэм къыдигъэкІам.

Copyright © 2008 Watch Tower Bible and Tract Society of Pennsylvania. All rights reserved.